Уапсена е наставничката Лаура Русо во Њујорк, која вакцинираше ученик и покрај тоа што нема медицински квалификации.
Полицијата потврди дека Русо вакцинирала 17-годишен ученик во својот дом, иако немала правна основа за давање на вакцината, ниту одобрение од родителите.
Русо, кој предава биологија, е уапсена на новогодишната ноќ и доколку биде осудена и’ се заканува затворска казна до четири години. Наводно, 17-годишниот ученик сакал да ја прими вакцината.
Би-Би-Си потсетува дека инјекциите можат да бидат опасни доколку се неправилно дадени. Лекарите и другиот квалификуван медицински персонал, исто така, мора да проверат дали вакцината не е фалсификувана, но и дека не е истечен рокот на траење. Дополнително, здравствените работници мора да го прегледаат лицето што ја прима вакцината за неговата здравствена и медицинска историја и да ги следат реакциите по вакцинацијата.
Полицијата вели дека не е јасно како Русо ја добила вакцината. Во моментов, вакцината „Фајзер“ е единствената одобрена во Соединетите Држави за лица под 18-годишна возраст.
Се појави и видео од контроверзната вакцинација, на кое Русо пред вакцинацијата му вели на ученикот: „Ќе бидеш добро, се надевам“.
Официјални лица велат дека родителите на ученикот повикале полиција кога тој дошол дома и им кажал што се случило.
Првото судско рочиште ќе се одржи на 21 јануари.
