Неколку часа откако последниот американски авион го напушти Кабул, завршувајќи ја 20-годишната војна во Авганистан, Талибанците го окупираа аеродромот во Кабул.
Аеродромот, кој служеше со денови за евакуација на сојузниците, од утрово е целосно во рацете на Талибанците, 17 дена откако влегоа во Кабул. Ова исто така значи дека Талибанците сега имаат целосна контрола над Кабул.
17 full days between the Taliban entering Kabul after President Ashraf Ghani fled the country and the Taliban taking control of the airport after the last U.S. officer toot off. pic.twitter.com/6UWW1S9Zhm
— Hassan I. Hassan (@hxhassan) August 31, 2021
Талибанските водачи утрово симболично прошетаа по пистата на аеродромот и прогласија победа.
„Светот сигурно ја научи лекцијата и ова е момент на победа во која уживаме. Кабул ќе биде безбеден и луѓето немаат потреба да се грижат“, рече портпаролот на Талибанците, Забихула Муџахид.
#Taliban fighters enter a hangar in #Kabul Airport and examine #chinook helicopters after #US leaves #Afghanistan. pic.twitter.com/flJx0cLf0p
— Nabih (@nabihbulos) August 30, 2021
Портпаролот на Талибанците, исто така, рече дека групата сака да воспостави добри односи со САД.
Според дописникот на „Њујорк тајмс“ талибанските власти велат дека ќе го отворат аеродромот за неколку дена и дека луѓето со визи ќе можат да си заминат.
„По 20 години, ги победивме Американците“, рече Мохамед Ислам, талибански чувар на аеродромот, држејќи пушка „Калашников“.
„Ги нема и сега нашата земја е слободна. Јасно е што сакаме. Сакаме Шеријат, мир и стабилност“, рече тој.
The celebrations in airport. pic.twitter.com/oGt1RRvivb
— Muhammad Jalal (@MJalal700) August 30, 2021
Талибанците го прославија заминувањето на Американците со рафални истрели.
Celebratory gunfire from #Taliban fighters shooting tracer rounds into #Kabul‘s night sky after #US withdrawal. pic.twitter.com/4dhrHz7CNw
— Nabih (@nabihbulos) August 30, 2021
САД доцна синоќа објавија дека го завршиле повлекувањето на своите сили од Авганистан речиси 20 години по почетокот на војната во таа земја како одговор на нападите врз Америка на 11 септември 2001 година.
