Утрински Весник
Македонија

(Видео) Сто килограми марихуана пронајдени во специјално направен бункер во бугарски камион

(Видео) Сто килограми марихуана пронајдени во специјално направен бункер во бугарски камион

Полициски службеници од Одделот за криминалистичка полиција, вчеравечер уапсиле 48-годишен бугарски државјанин со иницијали А.К.К., поради сомнение дека е сторител на кривично дело неовластено пуштање во промет на наркотични дроги.

Како што информираат од МВР, во периодот од 20 до 23 часот на граничнот премин Ново Село, на излез од државава, од страна на полициските службеници, во соработка со Царинскатата управа, при преглед на камион „МАН“, со бугарска регистрација, управуван од бугарскиот државјанин, биле пронајдени 102 пакувања марихуана, скриени во специјално направен бункер во горниот дел од кабината на возилото. Во пакувањата вкупно имало околу 100 килограми дрога.

Пронајдената марихуана е предадена на СВР Струмица за понатамошната постапка, а Бугаринот е приведен во полициска станица и во текот на денешниот ден ќе биде поднесена кривична пријава против него.

 

 

Извор: Makfax

Можете да прочитате

Нормализиран сообраќајот за камиони кон „Блаце”, на „Табановце“ се чека околу 30 минути

Повторно одложено судското рочиште за случајот Веапоска на кое требаше да биде презентиран извештајот од супервештачењето

СДСМ: Владата ќе потроши 1,8 милиони евра на кампања за ЕКСПО во Белград, но нема пари за Кочани и за пожарникарите