Руската армија вчера во Москва вежбаше за Парадата на победата закажана за 9 мај, по повод победата во Втората светска војна.
На улиците на Москва беа извадени тенкови, ракетни фрлачи, оклопни возила и друго оружје.
Се собраа и граѓани кои им мавтаа на војниците и се фотографираа.
Одржана е и проба на акробатскиот лет на авиони над Москва.
Русија ги отфрли шпекулациите дека ќе и објави војна на Украина во наредните денови.
Западните власти шпекулираа дека рускиот претседател Владимир Путин би можел да ја искористи Парадата на победата на 9 мај за да објави ескалација на воената акција, но портпаролот на Кремљ Дмитриј Песков рече дека гласините воопшто не се точни.