Денешната прес-конференција на Христијан Мицкоски пред Белата палата на ВМРО-ДПМНЕ беше прекината,откакому се слоши на градоначалникот на Кочани, Љупчо Папазов, кој заедно со другите градоначалници стоеше зад партискиот претседател.
Мицкоски на својот Фејсбук профил соопшти дека се’ е во ред со Папазов.
„На денешната прес конференција за миг му се слоши на Љупчо Папазов, градоначалникот на Кочани. Се е во ред. Интензивен период беше, и тоа си го зема данокот… Поминавме многу, ќе поминеме уште повеќе. Сложно и братски. А тој ќе мора да вети покрај другите работи на кои сите се обврзавме денес, дека нема да го прескокнува појадокот ? Продолжуваме за новата иднина во која сите веруваме!“, напиша Мицкоски.
