Португалската полиција ги истражува наводите дека војниците на таа земја користеле воени авиони за шверц во мировните сили на ОН во Централноафриканската Република.
Војниците шверцувале дијаманти, дрога и злато во Европа.
„Гардијан“ наведува дека биле издадени 100 налози за претрес, а биле извршени десетици рации низ Португалија.
Акцијата во која учествуваа 320 службеници на португалската правосудна полиција, следела речиси две години откако командирот бил информиран за наводната шверцерска мрежа. Војската, исто така, ги засили проверките и инспекциите на воените летови од Централноафриканската Република.
„ Она што сега го разгледуваме е можноста некои војници кои учествуваат во мисијата во ЦАР да се користат како курири во трговијата со дијаманти, злато и дрога“, се вели во соопштението на португалската армија.
Правосудната полиција издаде 10 налози за апсење при рација на имоти во Лисабон, Фуншал, Браганка, Порто де Мос, Ентронкамент, Сетубал, Беја и Фаро.
Под истрага е криминална мрежа со меѓународни врски, која работела на стекнување незаконски профит со шверц на дијаманти и злато, шверц на лекови, фалсификување и пренесување фалсификувани пари“, се вели во соопштението.
Полицијата ги истражува и наводите за компјутерска измама и перење пари. Португалскиот министер за надворешни работи Аугусто Сантос Силва рече дека, иако наводните злосторства никогаш не требало да бидат извршени, Португалија продолжува да дава важен и признат придонес за меѓународната безбедност. Сантос Силва, кој беше и министер за одбрана, рече дека истрагата не треба да ја наруши меѓународната позиција на португалската армија.
ESCUTAS DO TRÁFICO DE DIAMANTES REVELAM CONVERSAS SOBRE NEGÓCIOS DE 500 MILHÕES DE EUROS
Em causa estão escutas telefónicas do processo em que foram detidos 10 militares, ou ex-militares, ligados aos comandos pic.twitter.com/YAOGkAZt47— Corruption News Portugal (@CorrupcaoNewsPT) November 8, 2021
Вкупно 180 португалски војници беа распоредени во ЦАР како мировници.
Централноафриканската Република е богата со злато, дијаманти и други минерали, но е оптоварена со сиромаштија, конфликти и насилство.
