Над триста словенечки пожарникари гаснат нов пожар кој се прошири од Италија кон карстното подрачје, а во тек е евакуација на населението од неколку села, а на местото излегоа и министерот за одбрана Маријан Шарец и командантот за цивилна заштита Сречко Шестан, пренесуваат локалните медиуми.
Пожарот се проширил од италијанска страна кон Словенија и покрај обидите за гаснење од воздух, во кои учествувале три словенечки и два италијански хеликоптери.
Požar na Krasu dobiva tragične razsežnosti. SV pomaga že peti dan. Pilot koordinator letov nad območjem požara v živo posnel ogenj, ki je že dosegel hiše in ogroža tudi življenja. Vsem prebivalcem izrekamo sočutje, pomagali vam bomo še naprej po svojih najboljših močeh. pic.twitter.com/g996xGwVuO
— Slovenska vojska (@Slovenskavojska) July 20, 2022
Загрозени се неколку населби од каде што се евакуира населението, соопшти попладнево Регионалниот штаб за цивилна заштита на покраината Приморје.
Најтешка е состојбата во општина Добердоб, која се наоѓа веднаш до словенечко-италијанската граница, јавуваат медиумите.
„Сега е клучно да се спасат населените места. Една населба е веќе евакуирана. Силниот ветер многу брзо се шири. Армијата и полицијата го гаснат пожарот од воздух, а чадот го отежна гаснењето“, објави на социјалните мрежи, министерот за одбрана, Маријан Шарец.