Во голем пожар што изби во Њујорк повредени најмалку 54 лица, од кои 31 се со повреди опасни по живот, јави „Еј-би-си њуз“.
Градоначалникот на Њујорк, Ерик Адамс, го опиша пожарот во Бронкс како еден од најстрашните во историјата на градот.
„Ова ќе биде еден од најстрашните пожари што сме ги виделе овде во поново време во градот Њујорк“, изјави Адамс.
Според градските власти, пожарот избувнал на третиот кат од 19-катница лоцирана во Бронкс.
Повеќе од 200 пожарникари пристигнаа на местото на пожарот.
#Bronx #Bronxfire #NewYork #Fire pic.twitter.com/rkJuxt0tsf
— Vikas Tripathi (@vikasjournolko) January 9, 2022
Многу од повредените биле на горните катови во моментот кога избувнал огнот, велат официјални лица, додавајќи дека жртвите дишеле чад. На местото на несреќата лекарска помош добиле 19 лица, додека останатите повредени се префрлени во локалните болници, додаваат од њујоршката противпожарна служба.
Драматичните снимки кои можат да се видат на социјалните мрежи покажуваат како пожарот избива од прозорците на становите, а пожарникарите почнале да добиваат повици нешто пред 11 часот по локално време од жителите на горните катови.
#BREAKING: Over 60 people are injured in a 5-alarm Bronx, NYC apartment building fire. NYC Mayor Eric Adams calls it “one of the worst fires in city’s history”. – WCBS pic.twitter.com/mNa67zkd2P
— X News Alerts (@XNewsAlerts) January 9, 2022
Пожарот во меѓувреме е локализиран.
Дополнителни детали, вклучително и состојбата на повредените, засега не се достапни, соопшти ABC News.
