По повод еден милениум постоење, Бигорскиот манастир е одликуван со „Орден за заслуги за државата“.
Претседателот Стево Пендаровски на свеченоста пред неговата резиденција изјави дека нашата генерација има извонредно ретка можност да биде сведок на ваков импресивен јубилеј.
„Честа за мене е уште поголема што како претседател имам привилегија на манастирот да му доделам високо државно признание. Живееме во страв и претпазливост поради вирусот и се соочуваме со економските последици кои тој ги предизвикува. Илјадагодишната приказна на Бигорски не потсетува дека животот не е само мед и млеко. Во борбата за порадосен и поисполнет живот, моќна на древните вредности како што е Бигорски можат да ни послужат како дополнителна инспирација. Ви посакувам и во следното илјадалетие да останете верни на традицијата“, рече Пендаровски.
Епископот Партениј, игуменот на Бигорскиот манастир Свети Јован Крстител посочи дека е значајно што орденот се доделува во време на духовна и морална ерозија, кога искуството на предците е до крајност замарено.
Ја поздрави поддршката на државниот врв за признавање на Македонската православна црква Охридска архиепископија.
На свеченоста присутен беше и премиерот Зоран Заев, а настапи и бигорскиот монашки хор.
