Изминатиов викенд огромни бранови го преплавија јужниот брег на Хаваи. Поплавени се куќи во крајбрежјето.
Националната метеоролошка служба објави дека силните бранови, некои високи и до шест метри, биле предизвикани од комбинација на силни јужни ветрови, особено плимата и осеката и зголемувањето на нивото на морето.
Брановите прекинаа свадбена прослава, а по ударот на терасата се расфрлаа маси и столови.
„Брановите беа огромни. Еден од нив само помина преку ѕидот и ги уништи масите и столовите”, изјави Сара Акерман, која го сними видеото.
VIDEO: Massive waves crash an outdoor wedding reception in Kailua-Kona, on Hawaii’s Big island, amid a tropical storm pic.twitter.com/4SJYMrHqJJ
— AFP News Agency (@AFP) July 19, 2022
„Ситуацијата не беше опасна по живот. Сите се прашувавме каде ќе ги ставиме масите“, рече Акерман, додавајќи дека тие продолжиле да слават откако го исчистиле нередот.
Крис Бренчли, метеоролог во канцеларијата на Националната метеоролошка служба во Хонолулу, рече дека неколку фактори се комбинираат за да создадат толку големи бранови.
„Ретко имаме бранови поголеми од 3,5 метри. Ова беше најголем во последните децении“, рече Бренчли. Бранот потекнува од Јужниот Пацифик, каде моментално е зимската сезона.
„Во овој удар имавме бранови кои достигнаа висина од шест метри. Тоа е историско ниво“, заклучи Бренчли.