Стотици луѓе протестираа во главниот град на Перу, Лима, по соборувањето на претседателот Мартин Вискара и се судрија со полицијата, која употреби солзавец за да ги растера демонстрантите.
Полицијата се обиде да ги спречи демонстрантите да се приближат до зградата на Конгресот, кој вчера изгласа импичмент за Вискари поради обвинение за корупција, објави „Би-би-си“.
Немирите избија откако претседателот на Конгресот Мануел Мерино положи заклетва како привремен претседател.
?? “Merino does not represent us,” or “#MerinoNoNosRepresenta!”
Thousands of people gathered in front of Peru’s Presidential Palace to peacefully protest the swearing in of Manuel Merino following the ouster of President Vizcarra https://t.co/AIjeyWWcvL pic.twitter.com/aVz3Yf64KS
— Bloomberg Quicktake (@Quicktake) November 11, 2020
Полицијата соопшти дека се уапсени околу 30 лица, а во судирите имало повредени.
Протести се одржаа и во другите поголеми градови низ целата земја.
Се стравува дека политичката криза во Перу ќе ја наруши економијата на земјата, веќе загрозена од пандемијата на коронавирус.
Вискара уживаше голема поддршка кај народот поради обидот за спроведување на реформите.
