Канје Вест го најави излегувањето на долгоочекуваниот албум Donda во најновата реклама на Beats By Dre во која главна ѕвезда е спринтерката Шакари Ричардсон.
Новиот студиски албум треба да се појави во петок, 23 јули.
Раперот (44) ја потврди веста во најновата реклама на Beats By Dre во која се појавува американската спринтерка Шакари Ричардсон. Рекламата беше премиерно прикажана во текот на шестиот натпревар од финалето на НБА во вторникот.
Едноминутниот спот, во чија изработка учестуваше и Канје, содржи исечок од неговата најнова песна No Child Left Behind.
