Утрински Весник
Македонија

(Видео) Кузеска: Наместо за партиски вработувања, градоначалниците на ВМРО-ДПМНЕ да пренаменат 1,2 милиони евра за граѓаните

(Видео) Кузеска: Наместо за партиски вработувања, градоначалниците на ВМРО-ДПМНЕ да пренаменат 1,2 милиони евра за граѓаните

Бараме од градоначалниците на ВМРО-ДПМНЕ да престанат со расфрлањето со народните пари и предвидените 1,2 милиони евра за партиски вработувања да ги пренаменат за граѓаните, рече на денешната прес-конференција, портпаролката на СДСМ, Богданка Кузеска.

„Во време на најголема криза безобразно и крајно неодговорно е само 5 општини во Скопје градоначалниците на ВМРО-ДПМНЕ да потрошат 1,2 милиони евра за партиски времени вработувања.

Не се избрани градоначалниците на ВМРО-ДПМНЕ да не работат ништо, да бараат пари од Владата, а општинските пари на граѓаните вака да ги расфрлаат на партиски вработувања, чоколади и бонбони“, посочи Кузеска, додавајќи дека со 1,2 милиони евра може да им се помогне на ранливите граѓани во време на криза.

„Еве им шанса на градоначалниците на ВМРО-ДПМНЕ, да му кажат НЕ на Мицкоски и наместо расипнично и неодговорно однесување да покажат одговорност.

Доколку градоначалниците на ВМРО-ДПМНЕ не ги пренасочат овие пари, ќе покажат уште еднаш дека ништо не е променето во оваа партија, дека тоа е старата режимска матрица“, нагласи партиската портпаролка.

Можете да прочитате

Уставниот суд оформи предмет во кој е оспорен Протоколот од вториот состанок на Заедничката меѓувладина комисија со Бугарија

Сто странски гости потврдени на 16. „Македокс“, 75 документарци ќе може да се видат на пет фестивалски локации

Стејт департмент: Нема значителни промени во состојбата со човековите права