Утрински Весник
Свет

(Видео) Зеленски по средбата со Фон дер Лаен: Европскиот проект не може да се заврши без Украина

Украинскиот претседател Володимир Зеленски изјави дека европскиот проект не може да биде завршен без Украина, пренесуваат локалните медиуми.

Зеленски во Киев се сретна со Урсула Фон дер Лаен, претседателка на Европската комисија, а по средбата заедно се обратија пред медиумите.

„Европскиот проект секако не може да се заврши без Украина“, изјавил Зеленски, говорејќи за процесот за членство на Украина во ЕУ.

Потенцирајќи и дека раководството на Фон дер Лаен им е многу важно, Зеленски додал: „Верувам дека во блиска иднина ќе комуницираме со вас на ново ниво во односите меѓу Украина и Европската Унија“.

Фон дер Лаен претходно престојуваше во Киев. Комисијата на ЕУ се очекува на 17 јуни да објави соопштение за апликацијата на Украина за членство, пишуваат медиумите.

Можете да прочитате

Орбан: За мир во Украина потребна е средба меѓу Путин и Трамп

Амнести Интернешнл: Израелскиот предлог за „хуманитарен град“ е намера за воени злосторства

Нојман: Употребата на дронови во војната во Украина „не е пример“ за воздушните способности на НАТО