Десетици лица нападнаа полициска станица во предградиe на Париз со огномет и други проектили и оштетија неколку полициски возила, соопштија официјалните лица. Во инцидентот нема повредени.
https://www.youtube.com/watch?v=AWrQcCrs7lk
„Голема група луѓе ја нападнаа полициската станица во париското предградие Шампињи-сур-Марн со огномет и други проектили. Напаѓачите искршиле пет полициски возила со метални шипки“, пренесе „Ле Паризиен“.
Според полициските службеници имало 40 напаѓачи.
Скршени се три прозорци на полициската станица.
At least 40 people armed with metal bars and fireworks have attacked a police station to the south of Paris, police sayhttps://t.co/0mW89MmcrC pic.twitter.com/5wAruhycbZ
— BBC News (World) (@BBCWorld) October 11, 2020
Нападнати биле и пожарникарите кои излегле на местото.
Во Франција, неодамна имаше бројни напади врз полицајци, а понекогаш и пожарникари, кои министерот за внатрешни работи Жералд Дарманен ги гледа како знак дека земјата станува сè подива.
Минатата недела тројца мажи извлекоа двајца полицајци во цивилна облека од нивното возило во предградие на Париз, ги разоружаа и ги ранија со повеќе истрели од нивните пиштоли. Еден од полицајците сè уште е во критична состојба. Полицијата сè уште трага по тројцата напаѓачи.
