Законот за марихуана којшто Зоран Заев на сила го турка како предлог од Владата кој сака да биде изгласан во Собранието има за крајна цел да го легализира бизнисот со марихуана на Заеви, обвини портпаролот на ВМРО-ДПМНЕ, Димче Арсовски.
Овој закон, додаде тој, не е ништо друго туку личен закон за бизнисите на Заев што ќе му овозможи лично богатење нему и неговата фамилија.
„Патем тоа го прави со нова злоупотреба на европското знаменце, иако нема унифицирана европска регулатива за ова. Со овој закон Заев сака да овозможи освен за масло од канабис за медицински цели, да се легализира и трговијата со сув цвет од марихуана, односно она за кое што беше уапсен началникот на прилепската полиција „Чипсио“, пред неколку месеци да стане нормално и секојдневие кое на фирмите на Заеви ќе им носи годишно милиони евра, чист приход и заработка“, рече Арсовски.
Според него, Заеви држат огромен дел од производството на марихуана во Република Македонија, преку МАМ Свети Николе и Фарма Медикал Валандово кои официјално се во нивна соспственост и други компании кои ги водат нивни блиски луѓе.
