Цела недела молк од институциите за вмешаноста на нарко картелот Заеви во нарко трафикингот на марихуана, кој беше спречен и пресечен од американската агенција ДЕА, обвини портпаролот на ВМРО-ДПМНЕ, Димче Арсовски.
„ Цела недела молк и од Оливер Спасовски за неговите потрчковци началници и командири на полициски станици и се уште не поднесува никаква одговорност за дејствувањето на истите.
Кире Чипсио Спиркоски, близок човек на Оливер Спасовски и Зоран Заев, командир на полициската станица Прилеп, која е една од најголемите во градот, редовно на слики до Заев и Спасовски, беше уапсен заедно со возачот на Трајче Заев за над 800.000 евра марихуана, а Трајче Заев и Бобан Заев отидени во Дубаи, а Оливер Спасовски повторно не понесува никаква одговорност“ изјави Арсовски.
Според него, единственото нешто што Спасовски може да направи за почеток е да даде оставка, затоа што, како што вели, во нарко трафикинг му е вмешан командир на една од поголемите полициски станици во Република Македонија.
„ Срамота е Оливер Спасовски да излегува на јавни настапи и да говори недоветни и нереални работи, бидејќи сите знаат што се случува во државата, а да не говори за најважното во моментов, а тоа е кога ќе си поднесе оставка од функцијата министер за внатрешни работи. Бидејќи е заглавен во криминал до гуша и повеќе таму не му е место.
Ако ги погледнеме командирите и началниците низ градовите кои ги поставил Оливер Спасовски, на чело со Кире Чипсио Спиркоски кој го уапсија, па да продолжиме со велешките командири и началници, па битолските, струмичките, кумановските, штипските, повеќе од јасно е зошто ги штити Оливер Спасовски и Зоран Заев. Овие луѓе им е допуштено да прават што сакаат во нивните места, затоа што ова е партиската војска на СДСМ која во време на изборните процеси малтретираат, поткупуваат и местат изборни резултати. И ова е јавна тајна“ порача Арсовски.
Тој нагласи дека тоа се луѓе кои на Спасовски му е поважно да прават нелегални дејствија, наместо да се борат против криминалот и криминалците. Всушност не само што не се борат, туку сите од врвот на СДСМ, па до најниските структури се вмешани во криминал до гуша, заклучи портпаролот на ВМРО-ДПМНЕ.
