Портпаролката на ерменското Министерство за одбрана Шушан Степанјан напиша на Фејсбук дека се водат жестоки борби во северните и јужните делови на Нагорно Карабах и дека непријателот, кој концентрирал големи сили во овие области, тргнал во офанзива.
Таа исто така наведе дека ерменските единици го запираат напредувањето на непријателот и дека три авиони на азербејџанското воено воздухопловство се соборени во Нагорно Карабах, пренесе агенцијата ТАСС.
As reported earlier today, Stepanakert,the capital city of Republic of Artsakh (Nagorno Karabakh), was hit severel times by the adversary’s missiles. Here is a fresh footage from Stepanakert
Свежие кадры из Степанакерта после последних аттак противника#KarabakhNow #ArtsakhStrong pic.twitter.com/gXV4MshLH7— Armenian Unified Infocenter (@ArmenianUnified) October 2, 2020
Судирите меѓу Ерменија и Азербејџан во спорниот регион Нагорно Карабах повторно избија на 27 септември. Ерменија и Азербејџан прогласија воена состојба и почнаа општа мобилизација на граѓаните. Двете страни објавија жртви, вклучително и цивили.
Конфликтот меѓу Баку и Ереван започна во февруари 1988 година, кога автономниот регион Нагорно-Карабах со мнозинство ерменско население прогласи отцепување од Азербејџан.
За време на конфликтот во периодот 1992-1994 година, Азербејџан ја изгуби контролата над Нагорно Карабах и седум соседни региони. Преговорите за мирно решение на конфликтот се водат од 1992 година во рамките на Минската група на ОБСЕ, со која претседаваат Русија, Соединетите Американски Држави и Франција.
