Легендата на „Битлси“ сер Пол Макартни призна дека сè уште му се обраќа на поранешниот колега Џон Ленон за совет кога пишува нови песни.
Во интервју за „Анкат“, Макартни рече дека секогаш кога му треба совет, тој ментално комуницира со Џон Ленон – поранешниот колега од култниот бенд – 40 години откако беше убиен пред неговиот стан во Њујорк.
78-годишниот Макартни го опиша својот покоен пријател и коосновач на „Битлси“ како „најдобриот соработник на светот“ и рече дека годишнината од неговиот 80-ти роденден е „среќна тажна“. „Тажна бидејќи потсетува дека е убиен, но исто така, ме потсетува на фантастичните времиња што ги поминавме.“
Во интервјуто тој рече: „Некогаш работам на песна, но не ми се допаѓаат стиховите. Ова се случува често.“
„Ова ќе беше моментот кога јас и Џон ќе кажевме ‘Ајде да се напиеме една шолја чај и да пробаме да смислиме’“.
Нивното партнерство за пишување текстови сè уште се смета за едно од најуспешните во историјата. Двајцата заедно ги претворија „Битлси“ во најпродаваниот бенд на сите времиња, со 11 албуми издадени во седум години од 1963 до 1970.
