Во несреќата што ја погоди Италија загинаа 13 лица, а две деца се во критична состојба.
Несреќата се случи кога кабината од жичница што води од градот Стреза се откачи и се урна. Во тоа време во кабината имало 15 патници.
Десет од настраданите беа пронајдени во кабината и три надвор. Децата на возраст од 9 и 5 години со тешки повреди и скршеници се пренесени во болница во Торино со два хеликоптери и се во сериозна состојба со неизвесна прогноза.
Во моментот кога се урнала кабината, таа била на 100 метри од земјата.
Идентификацијата на жртвите е во тек и истрагата за причините за уривањето на кабината започна.
Во име на италијанската Влада, премиерот Марио Драги изрази сочувство до семејствата на жртвите.
