Во Австрија, бројот на нови случаи на коронавирус постојано расте, и ова повторно може да доведе до оптоварување на болниците. Експертите велат дека веќе следната недела би можел да се зголеми дневниот број на новоинфицирани со Ковид-19.
Главната причина за зголемувањето на бројот на нови случаи како што истакнуваат експертите се нови видови на коронавирусот.
Кога станува збор за капацитетите на болниците, експертите посочуваат дека за две недели во болниците ќе мора да бидат сместени поголем број на пациенти.
Во Виена, капацитетите на болниците може да бидат полни, што претставува посебен товар за здравствениот систем, велат тие.
И во Украина рекордно голем број пациенти биле пренесени во болница со симптоми на ковид-19 во последните 24 часа, според податоците на министерството за здравство.
Рекордни 8.312 нови случаи на коронавирус биле пријавени и во Унгарија, додека 172 лица починале како резултат на Ковид-19.
Како што е наведено на владината веб-страница за следење на епидемијата, во моментот има 8.329 пациенти во болниците, од кои 911 се на респиратор, поради што здравствениот систем е под притисок.
