Битолската полиција денеска го уапсила 26-годишниот И.С. од овој град, поради сомнение за сторено кривично дело неовластено производство и пуштање во промет на наркотични дроги.
Како што информираат од МВР, по добиена судска наредба, полициски службеници извршиле претрес во дом, други простори и возила кои ги користи И.С., при што биле пронајдени и одземени 16 пакувања кокаин, две пакувања марихуана, електронска вага, предмети со траги од кокаин и пари.
За случајот е известен Јавен обвинител од ОЈО Битола, до каде против лицето ќе биде поднесена кривична пријава.
