Герет Бејл минатата недела се врати во Тотенхем. Тој во својот поранешен клуб ќе настапува како позајмен играч од реал Мадрид. Во интервју за „Скај Спорт“, Бејл рекол дека не се кае што го напуштил Мадрид.
„По сѐ она што се случуваше воопшто не жалам што заминав. Сите грби зборови што беа кажани и сѐ она што беше направено изминатите месеци треба да му служат на чест на оној кој го направи тоа. Мене ми е најважно што сум чист пред себе си, што мислат останатите не ме интересира“, рекол Бејл.
Репрезентативецот на Велс рекол дека во текот на својот мандат во Реал напредувал во животот и во фудбалската игра.
„Заминувањето во друга земја, во друга култура и навикнувањето на тој живот беше дел од моето растење кое нема врска с фудбалот. Сепак не можам да кажам дека немаше и фудбалски предизвици. Додека сум на теренот ги слушам луѓето како ми свиркаат, тоа не беше пријатно, но ми помогна да пораснам, да научам да се носам со притисокот“.
Бејл во Тотенхем пристигна со лесна повреда, се наоѓа во процесот на рехабилитација, а неговото деби во старо-новиот клуб се очекува по репрезентативната пауза.
> Бејл: Не жалам што заминав од Реал <
