Велшкиот фудбалер Герет Бејл во септември годинава дојде на заем во Тотенхем од редовите на Реал Мадрид. Во 6 настапи за „петлите“ досега има еден погодок и една асистенција, со оглед на фактот што ги пропушти првите неколку натпревари поради повреда.
„Одлично е повторно да играш и да си на местото каде што се чувствуваш сакано. Се враќам во оптимална физичка подготовка на теренот и тоа е она што секој играч го радува. Среќен сум што сум на добро место во моментот. Сè уште има простор за напредок“, рече Бејл за Wales Online.
Тој во Реал беше во немилост на тренерот Зинедин Зидан, а во Тотенхем е еден од омилените играчи на Жозе Мурињо.
„Сè уште се привикнувам на тоа. Моето тело се враќа на ритамот на настапи на секои неколку дена и сè уште е многу стегнато, но што повеќе меча одиграм, со тоа ќе биде и подобро. На правиот пат сум и повторно уживам во играта“, рече Бејл.
> Бејл: На место сум каде што повторно се чувствувам сакано! <
