Двократната гренд слем шампионка, Белорусинката Викторија Азаренка нема да биде дел од „Тенискиот меч за мир“, добротворниот турнир на кој ќе се собираат средства за Украина поради „чувствителноста“ на украинските тенисерки, потврди Американската тениска асоцијација (УСТА).
Добротворниот турнир треба да се оддржи денеска, на Денот на независноста на Украина на стадионот „Луј Армстронг“ во Њујорк (каде што се игра и СД опен), и ќе играат Ига Швјонтек, Рафаел Надал и Џон Мекинро. Меѓутоа, украинските тенисерки не беа задоволни што и Азаренка е пријавена на мечот, а посебно реагираше Марта Костјук.
„Во последните 24 часа, по внимателно разгледување и дијалог со повеќе тенисери и тенисерки, Викторија Азаренка нема да учествува на егзибицискиот меч. Вика е силна тенисерка и лидер и ја цениме нејзината желба да учествува, но поради чувствителноста на украинските тенисерки и постоекиот конфликт, сметаме дека ова е вистинска одлука“, велат од американската федерација.
???? La bielorrusa #Azarenka excluida de la exhibición del #USOpen para Ucrania, según la decisión de la USTA. pic.twitter.com/NyGH4vDy4C
— Tenis FM (@tenis_fm) August 24, 2022