Новиот македонски селектор, Драган Бајиќ е прогласен за тренер на сезоната во АБА лигата. Бајиќ со Игокеа избори пласман во плеј-офот, сезоната ја заврши со 19 победи и седум порази.
Бајиќ (47), доби 63,2 отсто од гласовите на тренерите, новинарите и навивачите. Во сите три категории Бајиќ доби најмногу гласови.
Во гласањето зад 47-годишниот тренер, завршија Јурица Големац од Цедевита Олимпија и Владо Јовановиќ од Мега.
Бајиќ, со исклучок на една сезона, целата кариера ја минува во Игокеа. Тој пред десет дена беше именуван за селектор на кошаркарската репрезентација на Македонија.
> Бајиќ тренер на сезоната во АБА лигата <