Џо Бајден е победник на претседателските избори во Пенсилванија, напиша гувернерот на таа американска држава, Том Волф, на својот Твитер профил. Тој изјави дека Пенсилванија ги потврди резултатите од изборите одржани на 3 ноември за претседател и потпретседател на Соединетите Американски Држави, објави „Њујорк пост“.
„Како што налага федералниот закон, потпишав сертификат за изборни гласови за Џо Бајден и Камил Харис“, напиша гувернерот Том Волф на Твитер.
Досегашниот претседател на САД, Доналд Трамп, се огласи на Твитер по повод објавата на Управата за општи услуги (ГСА) во САД. „Запомнете, ГСА беше одлична и Емили Марфи заврши одлична работа, но ГСА не одредува кој ќе биде следниот претседател на САД“, напиша тој.
