Противкандидатот на Доналд Трамп, на следните претседателски избори во САД, Џо Бајден, изјави дека не ги знае деталите од договорот помеѓу Србија и Косово.
Но, истакна дека според него, Косово би требало да биде независна држава, а не дел од Србија. Тој претпоставува дека договорот ќе ја зајакне таа независност, но не знае што пишува во документот.
„Не знам за што се работи“ рекол Бајден, одговарајќи на прашањето на новинарите за договорот и потсети дека во регионот поминал доста време.
Бајден како сенатор посвети големо внимание на Западен Балкан, а во 2016 година во својство на американски потпретседател ги посети Белград и Приштина и разговараше со претседателот на Србија, Александар Вучиќ, кој тогаш беше премиер.
