Ноќта меѓу вторникот и средата, по средноевропско време, на стадионот „ДРВ ПНК“ во Форт Лодердејл се одигра пријателски натпревар меѓу Интер Мајами и Барселона, победи шпанскиот тим со 6:0 (3: 0).
Тренерот на тимот Чави Ернандез може да биде особено задоволен од доброто издание на новите играчи во првото полувреме – Рафиња (кој постигна прекрасен гол), Кеси и Кристенсен.
Првиот гол за тимот од Примера го постигна Пјер-Емерик Обамејанг во 19. минута, а шест минути подоцна израмни Рафиња, крилниот напаѓач кој пристигна од Лидс Јунајтед во овој преоден рок. На полувремето резултатот беше 3:0, а стрелец беше Ансу Фати.
Raphinha playing volleyball ???? pic.twitter.com/0NbSW0ydbt
— FC Barcelona (@FCBarcelona) July 20, 2022
Ansu with the blaster ???? pic.twitter.com/dpYv7YpGiw
— FC Barcelona (@FCBarcelona) July 20, 2022
Стрелци за Барселона во второто полувреме беа Гави во 55. минута, Мемфис Депај во 69. минута и Усман Дембеле во 70. минута.
Ова беше трет подготвителен натпревар за Каталонците пред почетокот на сезоната 2022/2023, а претходно го совладаа Ол-стар тимот од австралиското првенство со 3:2 и ремизираа 1:1 со шпанскиот петтолигаш Олот.
Барселона сега има серија силни натпревари во САД – во наредните денови противници на тимот на Чави ќе бидат Реал Мадрид, Јувентус, Ред Бул Салцбург и УНАМ Пумас.
Here’s the fifth from @Memphis ???? pic.twitter.com/ZxJS8xMZUz
— FC Barcelona (@FCBarcelona) July 20, 2022