Барселона им се приклучи на Веспрем и Кјелце на фајналфор-турнирот во ЕХФ Лигата на шампионите откако и во реваншот на домашен терен со 27:24 го совладаа Флензбург. Актуелниот десеткратен европски шампион имаше предност од четири гола од првиот меч (33:29).
Пред домашната публика во „Палау Блауграна“, Барса бргу дојде до 6:3 предност, но гостите покажаа дека дојдоа да се надигруваат успевајќи да израмнат на 6:6 и потоа да го преземат водството. Барселона не успеа резултатски да се одлепи до последните минути од мечот кога Јанц и Циндриќ со серија ја обезбедија клучната предност.
Дика Мем беше најефикасен за Барса со 6 гола, Јусеф Бен Али имаше 5, Лука Циндриќ 4, а за Флензбург, Хампус Ване, заврши со шест гола.
Кил ќе се обиде да обезбеди барем еден германски тим на Ф4 во Келн кога вечерва ќе го пречека Пари Сен-Жермен откако на првиот меч во Франција беше израмнето (30:30).
ЕХФ ЛИГА НА ШАМПИОНИТЕ, 1/4 ФИНАЛЕ
Барселона – Флензбург 27:24 (10:10), прв меч 29:33
Кил – Пари Сен-Жермен 20.45 ч, прв меч 30:30
Вчера играа:
Алборг – Веспрем 31:30 (20:21), прв меч 29:36
Кјелце – Монпелје 30:22 (15:8), прв меч 31:28
> Барса со нова победа над Флензбург патува на Ф4 <