Фудбалската репрезентација на Македонија за играчи до 21 година одигра 1-1 против Израел на домашен терен и со тоа ги загуби шансите како второпласирана во групата повторно да обезбеди пласман на едно ЕП.
На избраниците на селекторот Милевски им требаа максимални 9 бода во последните 3 кола за да бидат една од петте најдобропласирани на втората позиција, но Израел не оддалечи од ново учество на континентален собир.
Израел поведе во 21. минута со голот на Елијас, по грешката на нашиот голман Јанков.
Гостите имаа повеќе од играта во текот на целиот меч, а единствено што Македонија успеа да стори на овој меч е да не го загуби.
Јани Атанасов во 95 минута погоди од слободен удар за 1-1 и спас на честа.
Македонија по ремито останува на втората позиција со 14 бода, пред Израел кој има 12 бода.
Во следното коло повторно истите селекции ќе ги одмерат силите, овојпат во Израел, на 12. Ноември.
Ова е голот на Атанасов за конечни 1-1:
> Атанасов ја спаси честа во 95-та, ама шансата за ново ЕП пропадна <
