Рим, 9 мај 2020 (МИА) – Напаѓачот од средниот ред на Лацио, Луис Алберто откри што мисли за sвездата на Јувентус, Кристино Роналдо и зеде став во вечната расправија околу тоа кој е подобар меѓу Португалецот и лидерот на Барселона – Лионел Меси.
– Победив двапати оваа сезона против Кристијано, па како може тој да биде најдобриот фудбалер? Но, да бидам сериозен, му се восхитувам на Португалецот, тој буди восхит со својата упорност, жед за битка и победа. Тој постигна се самостојно. Но, ако зборувам за најдобрите, ќе му дадам малку предност на Лионел Меси, рече Шпанецот, цитиран од Спорт Медијасет.
Лацио на двапати играше против Јувентус – во Серија „А“ и во Супер Купот на Италија, и победи двапати со 3: 1.
