Турските власти уапсија 46 лица, вклучително и поранешни локални функционери на левичарската и прокурдска Демократска партија на народите, осомничени дека се финансиски поврзани со курдските милитанти од Курдската работничка партија на Курдистан, објави АП, цитирајќи извештај на новинската агенција Анадолија.
Уапсените се меѓу 91 осомничени обвинети од обвинителството за наводно „обезбедување средства за забранетата“ Курдистанска работничка партија или ПКК, објави „Анадолија“. Тие се обвинети дека биле дел од „економската структура“ на ПКК за перење пари и добиле инструкции од ПКК командант Мурат Караџилан, се вели во соопштението.
„Анадолија“ објави дека меѓу осомничените има поранешни заменици-градоначалници, поранешни партиски благајници и поранешни членови на градскиот совет на прокурдската Народна демократска партија или ХДП.
ХДП, втората по големина опозициска партија во турскиот парламент, која се соочува со барање пред Уставниот суд да ја забрани нејзината работа, не го коментираше случајот, според АП.
