Лондон, 17 јуни 2020 (МИА) – Американскиот бизнисмен Хенри Морис направи понуда во вредност од 350 милиони фунти за да го купи Њукасл, пренесува „Дејли Мејл“.
Ова е уште еден неочекуван потег поврзан со иднината на „црно-белите“, иако во април се чинеше дека сагата ќе заврши.
Саудиски конзорциум веќе понуди 300 милиони фунти за клубот, што сегашниот сопственик Мајк Ешли ја прифати.
Сепак, зделката сè уште не е завршена заради недостаток на одобрување од Премиерлигата, а се верува дека британската влада не гледа поволно на ваков договор и може да биде спречена.
Доцнењето и двосмисленоста се очигледно причина други да се појават на сцената за да се здобијат со Њукасл, иако сè уште не е јасно зошто Морис нуди 50 милиони повеќе.
