Актерката Адријане Палички повторно поднесе барање за развод од сопругот Скот Грајмс (поручникот Гордон Малој од серијата „Орвил“) по само 14 месеци брак.
Ѕвездите на „Орвил“ го врзаа јазолот во Остин, Тексас, на 19 мај минатата година но Палички (37) повторно се пишмани, според документи до кои дојде „ТМЗ“ во средата.
Актерката неодамна поднесе документи за развод по втор пат, тврди госип-порталот и додава дека тие имаат потпишано предбрачен договор. Таа прв пат се обиде да се раздели од Скот во јули 2019 година, но неколку месеци подоцна, во ноември, побара од судијата да го поништи барањето.
