Грчкиот кошаркарски ас, Јанис Адетокумбо истакна дека не планира да го напушти тимот на Милвоки Бакс откако се појавија такви шпекулации по елиминацијата на „телињата“ во полуфиналето на Истокот од Мајами Хит. Иако Бакси беа со најдобар скор во лигашкиот дел, сепак беа немоќни во пресметките со „жешките“.
„Од ова мораме да извлечеме поука, се надевам дека ќе напредуваме како тим и ќе се вратиме подобри. Ќе изградиме победнички менталитет во Милвоки и секоја година ќе се бориме за титулата“ изјави Адетокумбо.
Се погласно се споменуваат имиња на тимови каде грчкиот кошаркар би ја продолжил кариерата, со оглед на тоа дека е слободен агент по крајот на идната сезона. Сепак, тој ги отфрла таквите наводи.
„Тоа нема да се случи. Некои ќе наидат на ѕид и се откажуваат, јас не! Мораме да бидеме подобри како тим, како поединци и да видиме што ќе биде следната сезона“ – додава тој.
Поради повреда Гркот го пропушти последниот дуел со Мајами.
Giannis doesn’t plan on going anywhere. pic.twitter.com/n5iaE6bDiD
— Bleacher Report (@BleacherReport) September 9, 2020
> Адетокумбо: Некои ќе наидат на ѕид и се откажуваат, јас не! <
