Германскиот канцелар Олаф Шолц истакна дека промената на режимот во Русија не е цел на НАТО и покрај руската инвазија на Украина.
– Промената на режимот во Русија не е цел на НАТО, ниту на американскиот претседател Џо Бајден. Имав можност опширно да разговарам со него во Белата куќа и разговаравме и за овие прашања – изјави Шолц на германскиот јавен канал АРД.
– Демократијата, слободата и правото секаде имаат иднина, а јас сметам на длабоката желба што ја имаме како луѓе да живееме во демократија. Сепак, на народот и народите им останува да се борат за таа слобода. Она што треба да го гарантираме е дека нема повреда на интегритетот и суверенитетот на државите – додаде Шолц.
Да потсетиме, Бајден во саботата во Варшава рече дека Владимир Путин не треба да остане на власт, а Белата куќа веднаш реагираше, уверувајќи дека американскиот претседател не повикал на промена на режимот во Русија.
Regime change in Russia is not NATO’s objective, German Chancellor Olaf Scholz said, a day after US President Joe Biden branded Vladimir Putin a ‘butcher’ who ‘cannot remain in power’. https://t.co/N1vKpueLAV
— The Australian (@australian) March 28, 2022
