Руските војници се повлекуваат и ги рушат мостовите со цел да го попречат можното напредување на украинските сили, тврди денеска регионалниот гувернер на регионот Николаев, Виталиј Ким.
Тие се плашат од пробив на украинските вооружени сили, но ние не се плашиме и ги поддржуваме нашите војници, напиша Ким на Телеграм, пренесува агенцијата АП.
Американската агенција во извештајот наведува дека регионалниот гувернер на регионот Николаев не прецизирал каде точно се одвива повлекувањето на руските сили.