Триесет и тригодишен мотоциклист е тешко повреден во сообраќајна несреќа што се случила вчера попладне на бул. Александар Македонски во Скопје.
Според информациите на МВР, сообраќајката се случила помеѓу мотоцикл „јамаха“ со пробиштипски регистарски ознаки, управуван од Т.В.(33) од Пробиштип, и автобус „санос“ со скопски регистарски ознаки, управуван од Р.П.(54) од Скопје.
Во незгодата со тешки телесни повреди се здобил мотоциклистот, констатирани во комплексот клиники „Мајка Тереза“. Извршен бил увид на местото на настанот од увидна екипа од СВР Скопје.
