Полицијата потврди дека е приведен мажот за кој лидерот на ВМРО-ДПМНЕ Христијан Мицкоски посочи дека се обидел да го убие за време на денешниот протест.
Како што информираа од МВР, станува збор за Е.Ј.(40) од Скопје.
„Е.Ј.(40) претходно испукал со пиштол во воздух, додека група демонстранти, кои се движеле на потегот од Владата на Република Северна Македонија кон Министерството за надворешни работи, го нарушиле јавниот ред и мир со фрлање со камења кон група граѓани“, велат од МВР.
На местото се пронајдени чаури.