Утрински Весник
Македонија

Претседателот Пендаровски во официјална посета на Словенија

Честитки од светските државници по повод изборот на претседателот на Република Северна Македонија Стево Пендаровски

Скопје, 15 јули 2019 (Утрински Весник) – Претседателот на Република Северна Македонија, Стево Пендаровски денеска и утре ќе престојува во официјална посета на Република Словенија.

Кабинетот на претседателот Пендаровски соопшти дека тој денеска во Љубљана ќе биде примен со високи државни и воени почести од словенечкиот претседател Борут Пахор. Предвидено е двајцата претседатели да одржат тет-а-тет средба, по што ќе следува пленарен состанок на двете делегации.

Претседателот Пендаровски утре (вторник) ќе има средби со претседателот на Државното собрание на Република Словенија, Дејан Жидан и со словенечкиот премиер Марјан Шарец.

Во Љубљана, претседателот Пендаровски ќе одржи предавање на Меѓународниот институт за блискоисточни и балкански студии (ИФИМЕС) на тема „Иднината на Северна Македонија – Како да се забрза интеграцијата во ЕУ“.

Во рамки на посетата, шефот на државата ќе одржи средба со европратеничката Тања Фајон, ќе се сретне со словенечки стопанственици, како и со претставници на македонски културни друштва во Словенија.

Во Љубљана, претседателот Пендаровски ќе ја посети Македонската православна црква „Св. Климент Охридски“.

За време на официјалната посета на Република Словенија, претседателот Пендаровски ќе биде придружуван од неговата сопруга, Елизабета Ѓоргиевска, соопшти кабинетот на претседателот. ев/са/

Извор: mia.mk

Можете да прочитате

Пешевска: Да се зголеми додатокот за минимална помош преку МТСП

Ковачевски: Да се обединиме за европска иднина за стремежот за европска Македонија

СДСМ: Мицкоски конструктивноста да ја покаже во Собранието, подаваме рака за сите кои работат за граѓаните