Велес, 13 февруари 2020 (МИА) – Во кафеаната „903“ во Велес, каде што беше формирана во 1990 година, синоќа партијата МААК прослави 30 годишен јубилеј. МААК е првоформираната политичка партија во земјава, а воедно беше обновен и Општински комитет на МААК за Велес и избрано ново раководство, а за претседател избран Марјан Атанасов.
Претседателот на МААК, Страшо Ангеловски за медиумите најави реорганизација на постечките Општински комитети на оваа партија во земјава, како и формирање на нови. Тој потсети дека при формирањето на МААК пред 30 години се заветиле дека ќе формираат независна и суверена држава, а што потоа и се реализирало.
Тој најави дека ќе се заложат за промоција и развој на македонските и на православните вредности на Балканскиот полуостров и ќе се заложат за Македонија како јака и просперитетна економска држава, во која младите ќе сакаат да живеат и ќе бидат горди дека и припаѓаат.
Ангеловски потврди дека партијата е во коалиција со ВМРО-ДПМНЕ и останува во коалицијата. Инаку, МААК досега сите изминати години беа вонпарламентарна, а за овие избори најавуваат да станат парламентарна партија.
Прв претседател на МААК беше Гане Тодоровски, а втор Анте Поповски, додека сегашниот и актуелен претседател Страшо Ангеловски е трет.ад/фф/
