Утрински Весник
Македонија

Николоски: Македонија слепо црево на Балканот, Србија доби 137 милиони евра грант, а нашата Влада потпишува штетни договори

Николоски: Македонија слепо црево на Балканот, Србија доби 137 милиони евра грант, а нашата Влада потпишува штетни договори

Владата СДСМ/ДУИ потпишува и прифаќа штетни договори, а не прави ништо за економскиот развој и развојот на инфраструктурата. Ако имаа добри контакти во Брисел ќе знаеа дека следниот голем инфраструктурен проект на ЕУ е брза пруга од пристаништата во Атина (Пиреа) и Солун до централна Европа, со цел скратување на времето за транспорт на луѓе и стоки во двата правци, порача потпретседателот на ВМРО-ДПМНЕ, Александар Николоски.

dobivaj vesti na viber

„ Паметна Влада оди во Брисел и зема грант за брза пруга од Табановце преку Скопје до Солун. Мрзелива и неспособна Влада тоа го игнорира.

Денес Србија на која сеуште и се потсмеваат дека е анти Европска добива 137 милиони евра грант за брза пруга Ниш – Димитровград – граница со Бугарија што е прв чекор кон заобиколување на Македонија од проектот за брза пруга Атина – Солун – Будимпешта – Виена, што ако се реализира е чекор кон претварање на Македонија во слепо црево на Балканот и губење на стратешката позиција на Македонија што е прв чекор кон поделба и исчеснување. Звучи апокалиптично, ама државите опстојуваат само ако има геостратешки интерес околу нив.

Интерес на Бугарија е Македонија да е слепо црево и стратешки небитна, кој е интересот на СДСМ/ДУИ?“ напиша Николоски на Фејсбук.

Можете да прочитате

Арсовска: На Меѓународниот ден на младите за првпат се формира Собрание на млади на Град Скопје

(Видео) Стојаноска: Како и со Ковид -19, така и со мајмунските сипаници власта се однесува неодговорно

Мотоциклист почина во сообраќајка во Кочани