Претседателот на Еворпскиот совет, Шарл Мишел го поздрави изнаоѓањето на решение за спорот меѓу Македонија и Бугарија. Тој напиша на Твитер дека решението ќе го отвори патот за започнување на пристапните преговори на Македонија со ЕУ.
Welcome @Europe2022FR solution for an agreement that would pave the way for opening of EU accession talks with North Macedonia.
The solution addresses concerns expressed.
We are the closest we have ever been: now is the time to say yes.
— Charles Michel (@CharlesMichel) June 30, 2022
„ Решението се однесува на изразената загриженост. Најблиску сме што некогаш сме биле: сега е време да кажеме да“ напиша Мишел.
Францускиот претседател Емануел Макрон од Мадрид изјави дека е најдено компромисно решение за спорот. Од Владата пак соопштија дека добиле предлог идеи од француското претседателство, за кои сега треба да се консултираат најпрвин во Владата и со коалициските партнери, а потоа и со претседателот на државата, со парламентот и со опозицијата, како и со граѓанскиот сектор, експертската и севкупната јавност во земјата.