Легендарниот капитен на Манчестер Јунајтед, Рој Кин, смета дека актуелниот состав на Оле Гунар Солскјер нема квалитет да се носи со конкурентите во Премиер лигата.
Оваа генерација на Манчестер Јунајтед е првата, уште од 2006 година, која запишала пораз од Арсенал на „Олд Трафорд“. Арсенал, синоќа, победи во Манчестер со голот на Обамејанг од пенал.
„Навистина сум загрижен за Јунајтед. Последните 12, па и 18 месеци, можевте да им „прогледате низ прсти“, поради се она што се случуваше во раководството, играчите се млади…Но она што го видов против Кристал Палас, Брајтон, Тотенхем, па дури и против Челси…тоа значи дека во овој Јунајтед нема квалитет“, рекол Кин.
Манчестер Јунајтед од почетокот на сезоната нема победа на домашен терен во Премиер лигата.
> Кин: Не гледам квалитет во овој Манчестер Јунајтед <
