Шпанскиот тенисер Пабло Карењо Буста ја освои титулата на турнирот во Монтреал.
Моментално 23. играч во светот во финалето го победи фаворизираниот Хуберт Хуркач со 2:1 во сетови (3:6, 6:3, 6:3) за час и 47 минути игра.
Карењо Буста ја освои првата мастерс титула во кариерата, откако со пресврт славеше над полскиот тенисер.
Хуркач брзо го доби првиот сет, одземајќи му го сервисот на противникот во средишницата на сетот. Токму кога се чинеше дека мечот нема долго да трае, односот на силите се смени и подоцна ќе се покаже дека тоа била првата и последната брејк топка за Хуркач во овој меч.
Шпанецот ја искористи очајната игра на Хуркач на вториот сервис во другите два сета, при што освои само 13 и 20 отсто од поените. Карено Буста направи брејк веднаш на стартот од вториот сет и тоа беше доволно да израмни, а во решавачкиот сет два пати му го одзеде сервисот на Хуркач.
Во меѓувреме успеаја да одиграат еден од најубавите поени оваа година.
Behold, point of 2022 so far, by Pablo Carreño Busta:pic.twitter.com/ctAbKO1sLI
— Ben Rothenberg (@BenRothenberg) August 14, 2022