Американскиот претседател Доналд Трамп се пошегува на сметка на неговиот демократски противкандидат Џо Бајден, поради начинот на кој ја носи заштитната маска.
На митинг во Пенсилванија, Трамп ги праша собраните приврзаници, од кои повеќето немаа заштитни маски, дали познаваат човек кој сака да носи маска како Бајден.
„Тоа му дава чувство на сигурност“, рече Трамп и додаде:
„Да бев психијатар, би рекол дека овој човек има големи проблеми“.
Си-ен-ен пренесувајќи ја веста потсети дека со повеќе од шест милиони инфекции, САД се уште се прва земја во светот според бројот на заболени од Ковид-19, како и дека бројот на смртни случаи надминал 185.000.
