Денеска, до Централната изборна комисија кандидатура за претседател на партијата за вонредните внатрепартиски избори, кои ќе се одржат на 12 декември, поднесе Властимир Алексовски.
Властимир Алексовски е член и активист на СДСМ од општинската организација на партијата од Куманово.
По анализирање на поднесената документација и утврдување дали апликацијата на Алексовски е во согласност со правилникот и дали ги исполнува пропишаните услови, Централната изборна комисија ќе соопшти дали ја верификувала апликацијата.
Ова се однесува на сите поднесени кандидатури, се вели во соопштението на СДСМ.
