Утрински Весник
Свет

(Видео) Снимен удар на гром во близина на Белата куќа, загинаа маж и жена

(Видео) Снимен удар на гром во близина на Белата куќа, загинаа маж и жена

Постар брачен пар од Висконсин им подлегна на повредите откако денеска ги удри гром во близина на Белата куќа во Вашингтон, соопшти полицијата.

dobivaj vesti na viber

Загинаа Џејмс Милер (76) и Дона Милер (75), а уште две лица кои беа погодени од громот се хоспитализирани, јавува Би-Би-Си. Жртвите биле во паркот Лафајет за време на вчерашното невреме кога биле погодени од гром, соопштија пожарникарите.

Паркот е во близина на седиштето на американското претседателство, па членовите на американската тајна служба беа меѓу првите кои им помогнаа на настраданите. Белата куќа изрази сочувство до семејствата на жртвите и повредените.

Прес секретарот на Белата куќа, Карин Жан-Пјер рече дека сите „се молат за оние кои сè уште се борат за своите животи“.

Гром погоди четири лица во близина на дрво до оградата околу комплексот на Белата куќа.

Националната метеоролошка служба издаде предупредување за грмотевици за областа во четвртокот.

Плоштадот Лафајет е јавен парк недалеку од Белата куќа. Често е преполн со посетители, особено во лето.

Можете да прочитате

Пекинг ја предупреди Америка: Борбата против повеќе од 1,4 милијарда Кинези нема да заврши добро

Во Црна Гора мерките против коронавирусот продолжени за 14 дена

Разбојници во Италија ископале тунел под банка и се заглавиле па повикале полиција на помош