Брегалница го победи тимот на Академија Пандев со 1:2 на гости и триумфално ја отвори сезоната во Првата фудбалска лига. Силекс по враќањето во елитата триумфираше против Работнички со 2:0.
Јоковиќ во 16. минута донесе водство за Академија Пандев на дуелот во Струмица, но Брегалница направи комплетен пресврт во вториот дел.
Дарко Додев постигна прекрасен гол во 57.минута и израмни на 1:1, а Александар Ристевски пет минути подоцна уште еднаш ја затресе мрежата на домаќинот.
Силекс во Кратово го победи Работнички со 2:0. Арсим Љамалари го отвори резултатот со удар со глава во 58.минута, а Филип Стојчевски од пенал го постави конечниот епилог во судиското продолжение од натпреварот.
Вчера, Струга ТЛ ја совлада Победа со 3:0.